13:43 01/10/2016 |
|
Meclîsa Ciwanên HDP'ê û Komeleya Rojava ya Şaxa Enqerê ji bo piştgiriya welatiyên Şirnexê dê konserek amade bike.
|
13:14 01/10/2016 |
|
Xebatkarên Van TV û Dogu Radyo ku piştî radyo û televîzyona wan hat girtin, li avahiya televîzyon û radyo nobet girtin, rastî erîşa polîsan hat. Polîsan bi zorê xebatkarên radyo û televîzyonê ji baxçe derxistin.
|
13:03 01/10/2016 |
|
Cîgirê Hevserokê Giştî yê HDP'ê Alp Altinors ku bi hinceta beşdarî merasima cenazeyê Zakir Karabulut ê di komkujiya 10'ê Cotmehê de hat qetilkirin, bûye hat girtin; têkildarî girtina xwe nameyek şand. Altinors, diyar kir ku polîsan di bin çavan de pirsa 'Tipa te pir dişibe tirkan. Çi karê te di nava HDP'ê de heye?' pirsîne û ji ber ku wan bi kurdan re mil daye hev, tolê ji wan hiltînin.
|
12:15 01/10/2016 |
|
Kedkarên Ozgur Radyo ku weşana radyoya wan hat qutkirin û duh dest bi "Nobeta Azadiyê" kirin, diyar kirin ku ew nebûn qutuya muzîkê û bang li hemû guhdarên radyo kir ku tev li piştevaniyê bibin.
|
11:49 01/10/2016 |
|
Endam û rêveberen DBP û HDP'ê yên Rihayê bi daxuyaniyekê biryara tayînkirina qeyûmê ya Şaredarên Wêranşar, Hewag û Xalfetiyê şermezar kirin û diyar kirin ku ev biryar ne hiquqî ye û bê hurmetiya li dijî vîna gel e.
|
11:45 01/10/2016 |
|
Rewşa Seyît Riza Şaran ê ku di girtîgeha Şirnexê de di encama îsyanê de birîndar bûyî hîn giran e.
|
11:18 01/10/2016 |
|
Di operasyonên li dijî DBP'ê de di nava salekê de Hevserokê Giştî yê DBP'ê Kamuran Yuksek jî di navde bi giştî 2 hezar û 468 endam û rêveberên wê hatin girtin. 4 rêveberên navendî jî hatin qetilkirin.
|
11:10 01/10/2016 |
|
Bloka Aştiyê bang li wekîlan kir û xwest li dijî daxwaza teskereyê ya Iraq Sûriyê helwesta xwe nîşan bidin û dengê na bikar bînin.
|
10:50 01/10/2016 |
|
Polîsan li dijî akademîsyenên Zanîngeha Egeyê operasyon pêk anî. Di operasyonê de 11 akademîsyen hatin binçavkirin.
|
10:42 01/10/2016 |
|
Di çarçoveya zagonên KHK'ê ya OHAL'ê de Dogu Radyo jî di navde 11 radyo û 12 televîzyon hatin girtin. Dogu Radyo ku hat girtin muhur li deriyê wê xistin.
|
10:34 01/10/2016 |
|
Nivîskar, helbestvan û mamoste Rênas Jiyan hat binçavkirin.
|
10:21 01/10/2016 |
|
Ji 19 mamosteyên Egîtîm Sen'ê yên di 25'ê Îlonê de li Amedê hatin binçavkirin jê 4 mamoste hatin girtin. Nivîskarê Rojnameya Evrenselê Murat Ozyaşar jî li Stenbolê hat binçavkirin.
|
09:57 01/10/2016 |
|
Welatiyê 51 salî Îhsan Aslan ê 15 rojan li Wanê di bin çavan de rastî îşkenceyê hat, piştî serbest hat berdan 17 roj şûnde jiyana xwe ji dest da. Di 6 mehan de polîsan 8 caran bi ser mala Îhsan Aslan de girt û herî dawî bi îşkenceyê qetil kirin. Hevsera Îhsan Aslan Nuriye Aslan, diyar kir ku hevserê wê rastî îşkenceya giran hatiye û ji ber îşkenceya giran jiyana xwe ji dest daye.
|
09:09 01/10/2016 |
|
Bavê Cegerxwîn Akdenîz ê di îsyana zindana Şirnexê de jiyana xwe ji dest da, Atîlla Akdenîz diyar kir ku kurê wî ji aliyê hêzên dewletê ve hatiye înfazkirin û wiha got: "Her carê em diçûn hevdîtinê, digotin qedexeya derketina kolanan heye û destûr nedidan em biçin hevdîtinê. Kurê min xistibûn hucreyê, kurê min şewitandine. Ev hovîtî ye. Cenazeyê kurê min şewitandine."
|
09:09 01/10/2016 |
|
Şaredarê AKP’î yê Navçeya Tuşba Fevzi Ozgokçe, berî hilbijartinê li gundê Bardakçi soza çêkirina rê da welatiyan. Lê 4 sal derbas bûn hêj rêya welatiyan çênekiriye. Welatiyan diyar kirin ku gotinên AKP'ê bûn toz û bertekên xwe anîn ziman.
|
09:08 01/10/2016 |
|
Xwendekarên hîndekara Zanîngeha Mêrsînê Prof. Dr. Eylem Çamûroglû ya ji ber belavoka aşitiyê îmze kir û peyman pê re nehat nûkirin gotin, ew ê têkoşîna mamosteya xwe ji cihê mayî dewr bigirin û bidomînin.
|
09:07 01/10/2016 |
|
Qeyûmê deriyê depoya şaredariyê ya ku Komeleya Alîkarî û Piştevaniyê ya Rojavayê, ku ji bo gelê Nisêbînê yê ji ber qedexeya derketina derve avahiyên wan hatibûn rûxandin berhev kiribûn û lê bi cih kiribûn, qefiland. Her wiha sazî, li gel hemû astengiyan jî alîkariyê dikin û digihînin gel.
|
09:06 01/10/2016 |
|
Li Şirnexê êrîşên qirkirinê yên li dijî berxwedanên xwerêveberiyê hatin îlankirin, 202 roj e didome. Piştî rûxandina ku bi meha bi tank û topan xwe da der, kepçeyên ku ketin taxan û dest bi rûxandinê kirin, ji sedî heftêyê bajêr tune kirine. Li gel domandina qedexeyê jî, vegera boyî bajêr didome û li gel rûxandinê welatî li ber malên xwe nobetê digirin.
|
09:05 01/10/2016 |
|
Dayika leşkerê ku bi hinceta têkiliya wî bi derbeyê re heye hat girtin û şandin Girtîgeha Tîpa E ya Sêrtê, bertekên xwe anî ziman wiha got: “Hûn dibêjin qey êdî gel ê bibêje dewlet ez im, milet ez im û dê biçe leşkeriyê? Na tiştekî wisa tune. Ji bo we êdî leşker meşker tune ye.”
|
09:04 01/10/2016 |
|
Zarokan li dijî girtina Zarok TV’yê bertek nîşan dan û wiha gotin: “Dewletê got, ‘Zarok TV zarokan fêrî kurdî dike, em bigirin ji bo tirkî fêr bibin.’ Me yek Zarok Tv hebû ew jî girtin, dewlet çi ji me dixwaze? Dewlet ji zarokan tirsiya, dibêje tenê ez ê biaxivim.”
|
